Juniors Vereniging blad

Namibië Juniors 2011

Dogtors onder 16, streek wenners

Schalk en Jannie, beste spelers in die toets onder 19 seuns

SA Junior Kampioenskappe

Die SA Junior Kampioenskappe in Kroonstad, SA het plaasgevind vanaf die 10de Desember 2011 tot die 16de Desember 2011.

Namibië het met 3 spanne en 7 dubbels spanne aan die kampioenskap deelgeneem. Die span is vergesel met 3 afrigers, 3 spanbestuurders, en ‘n hoof span bestuurder.

Die kinders het hulle goed van hulle taak gekwyt en goeie jukskei is gespeel tydens die toernooi, die Namibiers het baie geleer en goeie ondervinding opgedoen. Die jaar was die reën minder tydens die wedstryde en minder wedstryde is onderbreek. Nat gras en sand het ook n groot rol in van die uitslae gespeel.

Vir die eerste keer het Namibië saam met Noord Kaap en Noordwes as n streek saam geval en is daar streek spanne gekies wat aan die streeks wedstryde deelgeneem het die Woensdag. Die Namibiërs het hulle plekke verdien in die streek spanne en daar was 7 van die 15 kinders in die A spanne opgeneem, ‘n baie goeie prestasie.

Saterdag, 10 Desember het die dubbels plaasgevind en Zuretha Horn en Beandri Van Der Merwe het derde geëindig in die dogters onder 16 afdeling. Die twee het koel en kalm gebly tydens al die wedstryde en goeie jukskei is gespeel.

Zuretha is ook gekies as kaptein van die dogters onder 16 streek span saam met Beandri Van Der Merwe en hulle span het goud gewen in die onder 16 afdeling. Die twee het hulle baie goed van hulle taak gekwyt.

Streek Spanne: Daar word 9 Namibiërs gekies vir die streek wedstryde asook 2 afrigters en 2 span bestuurders.

Tydens die toetse tussen Suid Afrika en Namibië is baie goeie Jukskei gespeel en dit was naelbyt gewees tot die einde om 'n wenner te kon bepaal.

• Seunsonder 13: SA wen 13/2
• Dogtersonder 16: SA wen 8/7
• Seunsonder 19: SA wen 8/7

• Die onder 13 seuns het 6de geëindig met 12 spanne wat in die afdeling gespeel het.
• Die onder 16 dogters het 4de geëindig met 14 spanne wat in die afdeling gespeel het.
• Die seuns onder 19 het 11de uit die 18 spanne geëindig.

Die Namibiërs het hulle goed van hulle taak gekwyt en met harde werk kan hulle behoorlike kompetisie vir die Suid Afrikaners wees met die volgende kampioenskappe in Mei maand 2012 in Windhoek.

Graag wil die Namibiese Junior Jukskei Vereniging (NJJV) aan elkeen dankie sê wat bygedra het tot die sukses van die toer. Aan alle borge wat die kinders en die Junior Vereniging geborg het wil die NJJV net dankie sê. Sonder jul bydrae kon die toer nie so ‘n groot sukses gewees het nie.

Erik Strauss
Voorsitter
Namibiese Junior Jukskei Vereniging