Sentraal Bestuur blad

Elite Consultants, wenners van die 2010 Sakeliga.

NHP 2 - 2de in die Sakeliga.

Kolok 1 - in die derde plek.

Jukskei "Pret" Dag, 16 Oktober 2010

Saterdag 16 Oktober 2010 het Sentraal Jukskei se jaarlikse Sakeliga plaasgevind in Windhoek by Jukskei Park in Olympia.

Hierdie is 'n jaarlikse instelling waar besighede deelneem in span verband gedurende die dag. Fondse wat ingesamel word gaan ten bate van Sentraal Jukskei, die Kanker Vereniging van Namibië en die Quinton Steele Botes fonds.

Slegs 8 spanne met 32 spelers het ingeskryf vir die dag. Goeie jukskei is gespeel en die gees onder die spelers was fantasties. Gedurende die dag is verskillende pryse weggegee, soos vir die speler wat 2 penne in ‘n ry kon gooi, vir die beste gooi en natuurlik vir die snaakste gooi aksie.

Ongelukkig kon daar net een wenner wees en Elite Consultants het as wenners uit die stryd getree met NHP 2 in die tweede plek en Kolok 1 in die 3de plek. NHP 3 het die beker gewen vir die span met die beste gees. Die bes geklede spanne was WCE 2 en NHP 1.

Sentraal Jukskei wil graag vir elke span en speler bedank wat aan die jaarlikse sakeliga deelgeneem het en 'n bydrae gemaak het. Sonder julle as borge en spelers kon die dag nie 'n sukses gewees het nie. Volgende jaar gaan daar meer spanne en spelers betrokke wees en kan daar al klaar uitgesien word na 'n goeie dag op die bane.

Spanne wat die dag deelgeneem met hulle uitslae:

1. Elite Consultants met 131 punte
2. NHP 2 met 118 punte
3. Kolok 1 met 106 punte
4. WCE 2 met 108 punte
5. WCE 1 met 104 punte
6. NHP 1 met 79 punte
7. NHP 3 met 71 punte
8. Kolok 2 met 43 punte